فوٹو:فائل
اسلام آباد: آرمی چیف کے تقرر کا عمل 25 نومبر تک مکمل ہو جائے گا،وزیر دفاع خواجہ آصف نے سمری وزیر اعظم ہاؤس کو موصول ہونے کی خبروں کی تردید کردی.
خواجہ آصف نے کہا سمری وزارت دفاع سے آئندہ ایک دو روز میں بھجوا دی جائے گی،پچیس نومبر تک آرمی چیف کی تقرری کا عمل مکمل ہوجائے گا۔
وزیر دفاع خواجہ محمد آصف نے وزیر اعظم شہباز شریف سے ملاقات کی، ملاقات کے بعد صحافیوں سے گفتگو کرتے ہوئے کہا ہے کہ میڈیا جو اس وقت چلا رہا ہے وہ درست نہیں ہے۔
انھوں نے کہا آرمی چیف کی تقرری کے حوالے سے طریقہ کار کا آغاز ہوگیا ہے، سمری وزارت دفاع سے آئندہ ایک دو روز میں بھجوا دی جائے گی۔
خواجہ آصف نے کہا ہے کہ 25 نومبر تک آرمی چیف کی تقرری کا عمل مکمل ہوجائے گا، سمری میں جو 5 یا 6 نام ہوں گے تو ڈوزئیر بھی انکے ساتھ ہی آئیں گے۔
وزیر دفاع نے یہ بھی واضح کیاکہ آرمی چیف کی تقرری سے متعلق ہمیں کوئی پریشر نہیں ہے، اتحادیوں کے ساتھ تبادلہ خیال ہر سطح پر ہورہا ہے۔
وزیر دفاع کا مزید کہنا تھا کہ آرمی چیف کی تقرری کے عمل پر کوئی ڈیڈلاک نہیں ہے، سمری آئے گی تو ناموں پر بحث ہو گی، سینئر موسٹ 5 یا 6 کے نام آجائیں گے انہیں میں سے فائنل ہوجائے گا۔
پاک فوج کی لیڈرشپ کو ناموں پر اعتماد لیکر فیصلہ ہوگا، فی الحال اس وقت تک معاملہ میں کوئی پیش رفت نہیں ہوئی ہے۔
تبصرے بند ہیں.