ورلڈ کپ اور دورہ آسٹریلیا کےلئے قومی ویمن کرکٹ اسکواڈ کااعلان

فوٹو : پی سی بی

لاہور: ورلڈ کپ اور دورہ آسٹریلیا کےلئے قومی ویمن کرکٹ اسکواڈ کااعلان کردیا گیاہے،کپتان بسمہ معروف کی قیادت میں دورہ آسٹریلیا اور ورلڈکپ کے لیے 15 رکنی ویمن اسکواڈ کا اعلان کیا گیا.

فاسٹ بولر ڈیانا بیگ کی ٹیم میں واپسی ہوئی ہے، انجریز کا شکاررہنے والی قومی کرکٹرز طوبیٰ حسن اور سعدیہ اقبال بھی انجریز سے ریکور ہونے کے بعد ٹیم کا حصہ بن گئی ہیں۔

قومی ویمن ٹیم کی چیف سلیکٹر اسماویہ اقبال کا کہنا تھا کہ بہترین ٹیموں کا انتخاب کرنے کی کوشش کی ہے، تمام کھلاڑیوں کے لیے نیک خواہشات ہیں۔

پاکستان ویمن ٹیم جنوری میں آسٹریلیا میں وائٹ بال سیریز کھیلے گی اور ویمن ٹی ٹوئنٹی ورلڈکپ 10 سے 26 فروری تک جنوبی افریقا میں شیڈول ہے۔

دورہ آسٹریلیا میں ون ڈے سیریز کے لیے اسکواڈ میں کپتان بسمہ معروف ،عالیہ ریاض، عائشہ نسیم، ڈیانا بیگ، فاطمہ ثنا، غلام فاطمہ، کائنات امتیاز، منیبہ علی، نشرہ سندھو، ندا ڈار ، عمیمہ سہیل، صدف شمس، سعدیہ اقبال، سدرا امین اور سدرا نواز شامل ہیں۔

قومی ویمن ٹیم کی ٹریولنگ ریزروز میں ایمن انور، جویریہ خان اور طوبیٰ حسن کو رکھا گیا ہے جب کہ ٹی ٹوئنٹی اسکواڈ میں بھی یہی کھلاڑی شامل ہیں تاہم ریزروز میں غلام فاطمہ، کائنات امتیاز اور صدف شمس کو رکھا گیا ہے۔

سلیم جعفر قائم مقام ہیڈ کوچ اور بولنگ کوچ جب کہ توفیق عمر بیٹنگ کوچ ہوں گے۔
چیف سلیکٹر کے مطابق دورہ آسٹریلیا میں ٹیم ون ڈے میچز 16 ، 18 اور 21جنوری کو کھیلے گی اور ٹی ٹوئنٹی میچز 24 ،26 اور 29 جنوری کو ہوں گے۔

آئی سی سی ٹی ٹوئنٹی ورلڈکپ میں پاکستان ٹیم 12 فروری کو بھارت کے خلاف میچ کھیلے گی جب کہ 15 فروری کو آئرلینڈ، 19 فروری کو ویسٹ انڈیز اور 21 فروری کو انگلینڈ سے مقابلہ ہوگا۔

BIG SUCCESS

تبصرے بند ہیں.