سلام آباد: اسلام آباد میں خود کش دھماکہ،پولیس اہلکار شہید، مبینہ بمبارہلاک، 9 افراد زخمی ہوئے ہیں جن میں پولیس اہلکاربھی شامل ہیں۔
خود دھماکہ اسلام آباد کےسیکٹرآئی ٹین میں گاڑی میں ہوا،جہاں پولیس نے گاڑی کو مشکوک جان کر تلاشی کےلئے روکا تھا۔
ترجمان آئی جی اسلام آباد کے مطابق دھماکہ اس وقت ہوا جب پولیس ٹیم کے ایک اہلکار نے مشکوک گاڑی کو رکنے کا اشارہ کیا، گاڑی کے رکتے ہی دھماکہ ہوگیا اور گاڑی میں موجود ٹیکسی ڈرائیور جاں بحق ہوگیا،پولیس اہلکار زخمی ہوگیا۔
ترجمان نے بتایا کہ پولیس اہلکار زخموں کی تاب نہ لاتے ہوئے شہید ہوگیا ہے، جب کہ اس کے ساتھ کھڑا ایک پولیس اہلکار شدید زخمی ہے۔
شہید ہونے والے اہلکار کی شناخت ہیڈ کانسٹیبل عدیل حسین کے نام سے ہوئی ہے، شہید عدیل حسنین کا تعلق عارف والہ پاکپتن سے ہے، اور اس کے 3 بچے ہیں۔
ترجمان نے بتایا کہ دھماکہ خود کش تھا، اسلام آباد میں سیکیورٹی ہائی الرٹ تھی اور چیکنگ چل رہی تھی، پولیس جوانوں نے چیکنگ کے دوران مشکوک گاڑی کو روکا۔
چیکنگ شروع کی تو لمبے بالوں والا شخص گاڑی کے اندر آیا اور اپنے آپ کو اور گاڑی کو دھماکے سے اڑا دیا، دھماکا بارودی مواد کے پھٹنے سے ہوا، اور اس میں پولیس اہلکاروں کو ہدف بنایا گیا۔
ترجمان کے مطابق دھماکے میں پولیس اہلکاروں سمیت 8 افراد زخمی ہوگئے، جنہیں پمز اسپتال منتقل کردیا گیا۔
اسپتال انتظامیہ نے بتایا کہ ہمارے پاس 10 افراد کو ریسکیو کیا گیا، جن میں 5 شہری اور پانچ پولیس اہلکار ہیں، جب کہ 2 افراد کی لاشیں بھی لائی گئی ہیں، ایک پولیس کا جوان شہید ہے، جب کہ ایک کی شناخت نہیں ہوسکی۔
اسپتال حکام نے بتایا کہ دھماکے میں زخمی ہونے والے پولیس اہلکاروں میں محبوب حسین، محمد حنیف اور رضا حسین شامل ہیں۔ شہری 35 سالہ انعام الرحمان، 46 سالہ یوسف کے علاوہ محمد نوید، محمد عاشر اور محمد عثمان بھی زخمی ہوئے۔
دھماکے کے بعد پولیس نے ملحقہ علاقوں میں سرچ آپریشن شروع کردیا جب کہ اسلام آباد میں سکیورٹی سخت کردی گئی ۔
پولیس کے افسران اور متعلقہ اداروں کے اہلکار موقع پر پہنچ گئے، پولیس نے جائے وقوعہ سے شواہد اکھٹے کر لئے، جب کہ اسلام آباد واقعے کے بعد ملک بھر میں سیکیورٹی ہائی الرٹ کردی گئی ہے۔
تبصرے بند ہیں.