اسلام آباد: سپریم کورٹ نے پنجاب کے انتخابات سے متعلق کیس کی عدالتی کارروائی کا تحریری حکمنامہ جاری کردیا.
سپریم کورٹ نے بدھ کو وزارت دفاع کی درخواست پر سماعت کی، بعد میں تمام سیاسی جماعتوں کو نوٹسز جاری کئے گئے ہیں جمعرات کو بھی سماعت جاری رہے گی.
سپریم کورٹ کی طرف سے بدھ کی سماعت کا حکمنامہ جاری کر دیا گیا ہے جس میں کہا گیا ہے کہ مذاکرات کا ہرگز مطلب نہیں کہ 14 مئی انتخابات کا حکم ختم ہو گیا.
سپریم کورٹ حکمنامہ میں کہا گیا ہے کہ پنجاب میں 14 مئی کو انتخابات کرانے کا حکم ختم ہو گیا 3 صفحات پر مشتمل حکمنامہ چیف جسٹس عمر عطا بندیال نے تحریر کیا.
سپریم کورٹ سے جاری ہونے والے حکمنامے میں کہا گیاہے کہ درخواست گزار نے موقف اپنایا کہ پورے ملک میں ایک ہی روز انتخابات کے لیے مذاکرات کا راستہ اپنانا چاہئے۔
ملک بھر میں ایک ساتھ انتخابات کرانے کی درخواست، سپریم کورٹ کا تحریری حکم نامہ میں کہا گیاہے تمام سیاسی جماعتیں اعلی عہدیدران کے ذریعے کل عدالت میں پیش ہوں.
سپریم کورٹ کا وفاق ، الیکشن کمیشن اور اٹارنی جنرل کو بھی نوٹس،ملک بھر میں ایک ساتھ انتخابات کرانے کی درخواست پر مزید سماعت کل ہوگی،حکمنامے میں کہا گیاہے کہ بادی النظر میں انتخابات کے لیے سیاسی جماعتوں کو مذاکرات کا موقع دینے کی رائے درست ہے.
مذاکرات کا موقع دینے کا ہرگز مطلب نہیں کہ سپریم کورٹ کا پنجاب میں 14 مئی کو انتخابات کرانے کا حکم ختم ہو گیا، درخواست گزار کے وکیل نے سیاسی ڈائیلاگ کی بات کی،موجودہ سیاسی صورتحال میں ڈائیلاگ ہونا خوش آئند ہے.
سپریم کورٹ 4 اپریل کو انتخابات سے متعلق فیصلہ دے چکی ہے،حکمنامہ میں کہا گیا ہے کہ درخواست گزار کے وکیل نے ملک بھر میں ایک ساتھ انتخابات کی رائے دی،سیاسی جماعتوں کی متفقہ رائے سے ہی انتخابات کا عمل بہتر ہوگا.
تاہم کوئی بھی دوسرا راستہ سپریم کورٹ کے انتخابات کے فیصلے کو ختم نہیں کر سکتا،آئین کے مطابق انتخابات کا فیصلہ سپریم کورٹ دے چکی،حکمنامہ کے مطابق ملک کی تمام سیاسی جماعتوں کو نوٹسز جاری کیے جاتے ہیں.
جماعت اسلامی کو اس کے امیرکے ذریعے نوٹس جاری کیا جاتا ہے،سیاسی جماعتوں کے سینئر عہدیدار کل عدالت میں پیش ہوں،الیکشن کمیشن،اٹارنی جنرل اور وفاقی حکومت کو بھی نوٹسز جاری کیا جاتا ہے.
حکمنامے میں کہا گیا ہے کہ آئین اسمبلی تحلیل ہونے کے 90 روز میں انتخابات کا کہتا ہے،سیاسی مذاکرات آئین سے متصادم نہیں ہونی چاہئیں،سیاسی جماعتوں الیکشن کمیشن اور اٹارنی جنرل کو نوٹس جاری ، کیس کیس سماعت کل دن گیارہ بجے ہوگی.
تبصرے بند ہیں.