فوٹو : فائل
اسلام آباد : 14سالہ سوریا ونشی 35 بالز پر سنچری کے باوجود کرس گیل کا ریکارڈ نہ توڑ سکا، بھارت میں 14 سالہ لڑکے نےآئی پی ایل میں 35 بالز پر سنچری کرکے ریکارڈ بنا دیا ہے جبکہ پاکستان میں بیٹرز ناپید ہو گئے ہیں، پی ایس ایل آدھا گزر گیا بیٹنگ میں کوئی نیا ٹیلنٹ سامنے نہیں آسکا.
گزشتہ روز آئی پی ایل میں راجستھان رائلز کے کم عمر ترین کھلاڑی ویبھو سوریاونشی نے کرکٹ کی دنیا میں تہلکہ مچادیا، 14 سال کی عمر میں آئی پی ایل 2025 میں تاریخ رقم کردی۔
نوجوان کھلاڑی نے نہ صرف تیز ترین سنچری بنا کر آئی پی ایل بلکہ کسی بھی بھارتی کی جانب سے تیز ترین ٹی ٹوئنٹی سنچری کا ریکارڈ قائم کردیا اور یوسف پٹھان کا ریکارڈ بھی توڑ ڈالا.
ویبھو نےگجرات ٹائٹنز کے خلاف 210 رنز ہدف کا تعاقب کرتے ہوئے صرف 35 گیندوں پر سنچری بنائی جو آئی پی ایل کی تاریخ میں کسی بھی بھارتی کھلاڑی کی جانب سے تیز ترین جب کہ لیگ کی تاریخ کی دوسری تیز ترین سنچری ہے۔
واضح رہے کہ آئی پی ایل کی تاریخ میں تیز ترین سنچری کا ریکارڈ کرس گیل کا ہے، یونیورس باس نے 2013 میں رائل چینلجرز بینگلور کی جانب سے کھیلتے ہوئے پونے واریئر کے خلاف صرف 30 گیندوں پر سنچری بنائی تھی۔
ویبھو نے بطور بھارتی کھلاڑی یوسف پٹھان کا ریکارڈ توڑا، یوسف نے 2010 کے ایونٹ میں راجستھان رائلز کی جانب سے کھیلتے ہوئے ممبئی انڈینز کے خلاف 37 گیندوں پر سنچری بنائی تھی۔
سوریاونشی کی طوفانی بیٹنگ کی بدولت راجستھان رائلز نے صرف 15.5 اوورز میں 210 رنز کا ہدف عبور کر کے میچ جیتا، ان کے ساتھ یشسوی جیسوال نے بھی شاندار 70 رنز کی اننگز 40 گیندوں پر کھیل کر فتح میں کلیدی کردار ادا کیا۔
سوریاونشی نے محض 17 گیندوں پر 50 رنز مکمل کرکے آئی پی ایل 2025 میں تیز ترین نصف سنچری کا اعزاز بھی اپنے نام کیا تھا۔
اس سے قبل گجرات ٹائٹنز کی طرف سے شبمن گل نے 84 رنز کی عمدہ اننگز کھیلی ج بکہ جوز بٹلر نے 26 گیندوں پر نصف سنچری مکمل کی جس کی بدولت گجرات نے 20 اوورز میں 4 وکٹوں پر 209 رنز کا مضبوط اسکور کھڑا کیا تھا.
تبصرے بند ہیں.