سعودی عرب کا پاکستان کیلئے بڑا مالی پیکج، 6 ارب ڈالر کی سہولت رواں مالی سال میں جاری رہے گی
فوٹو : فائل
اسلام آباد: سعودی عرب نے پاکستان کے لیے مالی تعاون کے تسلسل کا اعلان کرتے ہوئے رواں مالی سال 2025-26 میں ایک ارب ڈالر کی آئل فنانسنگ سہولت فراہم کرنے اور پانچ ارب ڈالر کے ڈیپازٹس رول اوور کرنے کا فیصلہ کیا ہے۔
وزارتِ خزانہ کے حکام کے مطابق سعودی آئل فسیلٹی کی مالیت تقریباً 290 ارب روپے بنتی ہے۔
رواں مالی سال کے ابتدائی تین ماہ کے دوران سعودی عرب کی جانب سے 85 ارب روپے (30 کروڑ ڈالر) سے زائد کی آئل فنانسنگ سہولت دی جا چکی ہے۔
حکام کا کہنا ہے کہ سعودی عرب پاکستان کو ہر ماہ 10 کروڑ ڈالر کی آئل فسیلٹی مہیا کر رہا ہے، جو پاکستانی کرنسی میں 28 ارب 37 کروڑ روپے کے مساوی ہے۔
وزارتِ خزانہ کے مطابق سعودی عرب کے پاکستان میں موجود 5 ارب ڈالر کے ٹائم ڈیپازٹس 4 فیصد شرحِ سود پر ہیں، جنہیں سعودی حکومت ہر سال تجدید (رول اوور) کرتی ہے۔
ان میں سے 2 ارب ڈالر دسمبر 2025 جبکہ 3 ارب ڈالر جون 2026 میں واجب الادا ہیں۔
یہ ڈیپازٹس بجٹ سپورٹ کی مد میں فراہم کیے گئے ہیں اور پاکستانی کرنسی میں ان کی مجموعی مالیت تقریباً 1450 ارب روپے بنتی ہے۔
سعودی عرب کا پاکستان کیلئے بڑا مالی پیکج، 6 ارب ڈالر کی سہولت رواں مالی سال میں جاری رہے گی
تبصرے بند ہیں.