فائل:فوٹو
اسلام آباد:عوامی مسلم لیگ کے سربراہ شیخ رشیداحمد نے اسلام آباد سے کراچی اپنی منتقلی روکنے کے لیے اسلام آباد ہائی کورٹ سے رجوع کر لیا ہے۔ عدالت سے کراچی اور مری کے مقدمات میں سندھ اور پنجاب پولیس کے حوالے نہ کرنے کے احکامات جاری کرنے کی استدعا کی گئی ہے
سابق وفاقی وزیر اور عوامی مسلم لیگ کے سربراہ شیخ رشید نے اپنے وکیل سردار عبدالرازق خان ایڈووکیٹ کے ذریعے اسلام آباد ہائی کورٹ میں درخواست دائر کی ہے جس میں اسلام آباد ، سندھ اور پنجاب پولیس کے آئی جیز سمیت سیکرٹری داخلہ کو فریق بنایا گیا ہے۔
درخواست میں کہا گیا ہے کہ عمران خان نے آصف زرداری پر قتل کا الزام لگایا تھا جس کا صرف حوالہ دیا۔ میرے خلاف درج مقدمات میں مدعی متاثرہ فریق بھی نہیں۔
درخواست میں استدعا کی گئی ہے کہ سیاسی بیان بازی کی بنا پر مزید مقدمات درج کرنے سے روکا جائے۔ آبپارہ ، مری اور کراچی کے مقدمات غیر قانونی قرار دیکر کالعدم قرار دئیے جائیں۔ کراچی کا مقدمہ اختیار سے تجاوز قرار دیا جائے یا اسلام آباد منتقل کیا جائے اور کیس کے حتمی فیصلے تک کراچی منتقلی سے روکا جائے۔
تبصرے بند ہیں.