پاک انڈیا جنگ بندی کی تصدیق، پاکستانی میزائلوں نے بھارت کوگھٹنے ٹیکنے پر مجبور کیا،امریکی میڈیا
فوٹو : فائل
اسلام آباد : پاک انڈیا جنگ بندی کی تصدیق، پاکستانی میزائلوں نے بھارت کوگھٹنے ٹیکنے پر مجبور کیا،امریکی میڈیا کے مطابق پاکستان کے جواب پر بے بسی میں بھارت نے امریکی وزیر خارجہ کے زریعے سعودی اورترک حکام سے رابطہ کیا.
امریکی صدر ڈونلڈ ٹرمپ کے پاکستان اور بھارت کے درمیان مکمل اور فوری جنگ بندی کے اعلان کی تصدیق دونوں ممالک نے بھی کردی تاہم اس کی وجہ امریکی صحافی سامنے لے آئے۔
امریکی نشریاتی ادارے سی این این سے منسلک صحافی نک رابرٹسن نے بھارت کے پاکستان کے سامنے گھٹنے ٹیک کر سیز فائر پر رضامند ہونے کی داستان سنادی۔
امریکی صحافی نک رابرٹسن نے بتایا کہ جارحیت کے آغاز سے ہی پوری دنیا سیزفائر کرانے کی مسلسل کوششیں کررہی تھیں مگر بھارت تیار نہیں ہو رہا تھا۔
رپورٹ میں نک رابرٹسن نے مزید کہا کہ بھارتی جارحیت کے جواب میں پاک فوج نے کل رات آپریشن شروع کیا جس کے دوران بھارت پر تابڑ توڑ حملے کیے گئے۔
پاکستان نے نہ صرف بھارتی دفاع نظام کو مفلوج کردیا بلکہ میزائلوں کی بارش برسادی جس سے بھارت مذاکرات کی میز پر آنے پر مجبور ہوا۔
بھارت کی اپیل پر امریکی وزیرخارجہ نے سعودی اورترک حکام سے رابطہ کیا اورسفارتی طریقے سے معاملہ حل ہوا اور سیزفائرممکن ہوسکا
پاکستان کیساتھ جنگ بندی کا آغاز ہوگیا، جس کی بھارتی سیکرٹری خارجہ نے تصدیق کی، اس کے ساتھ ساتھ چند گھنٹے بعد فریقین نے ایل او سی پر جنگ بندی کی خلاف ورزی کے بھی ایک دوسرے پر الزامات لگائے ہیں.
تبصرے بند ہیں.