فوٹو : فائل
لاہور : پی ٹی آئی ارکان کی نااہلی دھمکیاں کام نہ آئیں، پنجاب حکومت مزاکرات پر آگئی، اسپیکر پنجاب اسمبلی ملک احمد خان نے 26 ارکان کی نااہلی کیلئے پریس کانفرنس کی، چیف الیکشن کمشنر سے ملاقات کی لیکن تحریک انصاف دباؤ میں نہ آئی.
اس حوالے سے نجی ٹی وی جیو نیوز کی رپورٹ کے مطابق پنجاب اسمبلی میں اپوزیشن کے معطل ارکان کیخلاف ریفرنس کے معاملے پر حکومت اور اپوزیشن کی مذاکراتی کمیٹیاں تشکیل پا گئیں۔
رپورٹ میں ذرائع کا حوالہ دے کر بتایا گیا ہے کہ ریفرنس کے معاملے پر حکومتی اور اپوزیشن کی مذاکراتی کمیٹیاں تشکیل دیدی گئی ہیں، حکومتی کمیٹی میں مجتبیٰ شجاع الرحمان، سلمان رفیق، رانا ارشد، سمیع اللہ اور احمد اقبال شامل ہیں۔
علی حیدر گیلانی، شافع حسین اور شعیب صدیقی بھی حکومتی کمیٹی میں شامل ہیں جبکہ اپوزیشن کی جانب سے اپوزیشن لیڈر احمد بھچر مذاکراتی ٹیم کی قیادت کریں گے۔
اپوزیشن کمیٹی میں علی امتیاز، شیخ امتیاز، اعجاز شفیع کے نام آج اسپیکر کو ارسال ہوں گے۔مذاکرتی کمیٹی کا دوسرا سیشن کل اتوار کو ہو گا، مذاکرات کامیاب ہونے پر اسپیکر معطل ارکان کیخلاف ریفرنس ڈارپ کر سکتے ہیں۔
واضح رہے کہ 27 جون کو اسمبلی اجلاس میں اپوزیشن ارکان نے شور شرابہ کیا تھا اور توڑ پھوڑ کی تھی جس کے بعد اسپیکر نے اپوزیشن کے 26 ارکان کی رکنیت معطل کرتے ہوئے ان کی نااہلی کے لیے ریفرنس الیکشن کمیشن بھیجنےکا اعلان کیا تھا۔
تبصرے بند ہیں.