فوٹو : سوشل میڈیا
اسلام آباد : امریکہ کے دورے پر گئے ہوئے فیلڈ
مارشل عاصم منیر سمندر پار پاکستانیوں سے خطاب کیا ہے ان کا کہنا تھا کہ سمندر پار پاکستانی ہی ملک کے اصل اور حقیقی سفیر ہیں، ملک کی ترقی میں سمندر پار پاکستانیوں کا اہم اور کلیدی کردار ہے۔
جنرل عاصم منیر نے سمندر پار پاکستانیوں کو زرمبادلہ بھیجنے اور سرمایہ کاری پر خراج تحسین پیش کیا۔آرمی چیف فیلڈ مارشل سید عاصم منیر نےواشنگٹن میں سمندر پار پاکستانیوں سے ملاقات کی، سمندر پار پاکستانیوں نے آرمی چیف کے اعزاز میں شاندار استقبالیہ دیا۔
آئی ایس پی آر کے مطابق بڑی تعداد میں سمندر پار پاکستانیوں نے فیلڈ مارشل عاصم منیر سے ملاقات کی، تارکین وطن نے آپریشن بنیان مرصوص میں پاک فوج کی کارکردگی کو سراہا، معرکہ حق میں مسلح افواج کی پیشہ ورانہ مہارت اور بہادری کی بھی تعریف کی۔
فیلڈ مارشل عاصم منیر نے اس موقع پر خطاب کرتے ہوئے کہا کہ سمندر پار پاکستانی ہی ملک کے اصل اور حقیقی سفیر ہیں، جنرل عاصم منیر نے کہا ملک کی ترقی میں سمندر پار پاکستانیوں کا اہم اور کلیدی کردار ہے۔
آرمی چیف نے سمندر پار پاکستانیوں کو زرمبادلہ بھیجنے اور سرمایہ کاری پر خراج تحسین پیش کیا، سمندر پار پاکستانیوں نے آرمی چیف کے ساتھ اپنے تجربات اور تجاویز کا بھی تبادلہ کیا۔
آئی ایس پی آر کے مطابق فیلڈ مارشل عاصم منیر نے سمندرپار پاکستانیوں سے روابط اور اشتراک عمل بڑھانے پر زور دیتے ہوئے کہا کہ اس طرح مشترکہ چیلنجز سے نمٹا اور خوشحال پاکستان کی جانب بڑھا جاسکتا ہے۔
اوورسیز پاکستانیوں اور آرمی چیف نے مضبوط، محفوظ اور مستحکم پاکستان کیلئے ملکر کام کرنے کے عزم کا بھی اظہار کیا۔
تبصرے بند ہیں.